أسباب وعلاج تكيس المبايض عند البنات
زوار شبكة لولو العالم أهلا بكم اليوم أقدم لكم اليوم موضوع
مهم جدا يشغل بال الكثير من البنات ما هو تكيس المبايض
وعلاجة وهل يوئر على الحمل وتكيس المبايض
هو حاله مزمنه من عدم حدوث التبويض سببها زيادة
فى هرمون الاستروجين وبالتالى توقف نمو الحويصله
وعدم وصولها للحجم المناسب لحدوث التبويض
لان المبيض فى حالة التكيس بنلاقى على سطحه أكياس
الطبيعى بيخرج كل شهر عدد من الحويصلات
وقرب ميعاد التبويض بيبدأ يحصلها ضمور
ويبقى واحده او اتنين فى حالة التوأم وبعد كده يحصل
التبويض وتخرج البويضه اما تلتقى بالحيوان المنوى
ويحدث الحمل أو تضمر وتتحول لكيس بنسميه الجسم
الأصفر يفرز هرمونات لحد ميعاد الدوره يتوقف
افراز الهرمونات وتنزل بطانة الرحم فى صورة دوره شهريه
فى حالة التكيس الحويصلات اللى طلعت 8 او أكتر
توصل لحجم معين لا يذيد قطرها عن 8 ل 10 ملى
وما فيش ولا واحده توصل للحجم المطلوب واللى هو
(18 - 22 ) ملى
وبالتالى مفيش حويصله هتنفجر وبالتالى مفيش تبويض
وبالتالى مفيش حمل
أعراض التكيس
زيادة الوزن عن المعدل الطبيعى وده كمان سبب لحدوث
مش معناه ان كل مريضات التكيس جسمهم زايد
اوقات بيبقوا رفيعين جدا
عدم نزول الدوره الشهريه أو عدم انتظامها وتبقى
فى أوقات معينه متباعده أوى أو متقاربه أوى أو تيجى
بكمية دم قليله جدا لكن الاكتر انها تفضل شهرين
او ما يذيد على ما تنزل
ظهور شعر سميك وأسود أوى فى أماكن معينه من
الجسم مش متعوده على ظهور الشعر فيها زى الشفه
العليا والذقن وظهور حبوب بالوجه زى حب الشباب
لو اتأخرتى فى الحمل ودورتك مش منتظمه بتعملى
سوناربتبان فيه الحويصلات بالشكل اللى ذكرته قبل كده
سوناربتبان فيه الحويصلات بالشكل اللى ذكرته قبل كده
الدوره الطبيعى بنلاقى نسبة fsh أعلى من lh ولو لقينا
العكس يبقى ده تكيس واوقات بيبقى هرمون اللبن
عالى مع التكيسات بس ده مش فى كل الحالات طيب
لو مش بينزلك دوره هتعملى ايه؟
هناخد حاجه تنزل البريود عشان نقدر نعمل التحاليل
قبل ما تخدى أى علاج اعرفى حالتك بالتفصيل من طبيبك
والعلاج اللى بتخديه ايه وليه بتخديه وده حقك
علاج تكيس المبايض
انقاص الوزن ادويه مساعده زى السيدوفاج وده الماده
الفعاله اللى فيه اسمها ميتفورمين منها انه بيسد الشهيه
وبالوقت يقلل الوزن وبرده بيشتغل على مستقبلات
الانسولين
التنشيط
بناخد اما اقراص زى الكلوميد أو حقن ودى اللى يحددها
الطبيب بتاعك حسب نسبة التكيسات عندك واستجابة
المبيض للتنشيط ودى مضاد لهرمون الاستروجين
عشان يحصل تبويض وده بيبقى من اليوم التالت
أو الخامس من الدوره لمدة 5 أيام ويتابع التبويض
بالسونار وفى ىاليوم ال13 أو 14 بناخد حقنه تفجر
الحويصله عشان تخرج البويضة
تكيس المبايض أسبابة وعلاجة
إرسال تعليق