طبخة اليوم فراخ بانية ومكرونة أسباجتى مع الشرح بالصور
زوار شبكة لولو العالم سوف اقدم لكم كل يوم الاكلة
اللى انا حضرتها اليوم ونتشارك سويا كل بنوتة
وكل ست بيت شطورة وتقول طبخت أيه النهاردة
وأبعتولى تعليقاتكم اليوم انا هطبخ
فراخ بانية ومكرونة أسباجتى وبطاطس محمرة مع
سلطة طحينة
سلطة طحينة
اولا الفراخ البانية
مقاديرعمل الفراخ البانية
ربع صدور فراخ - طماطم - بصل
ملح - كمون - فلفل أسمر - شطة
فيجتار - بيضة - زيت
طريقة عمل الفراخ البانية
نبتدى اولا بسم الله توضع الطماطم والبصل وتفرم فى
الكبة وتضاف على صدور الفراخ مع الملح والفلفل
والكمون والشطة وتترك فى التتبيلة حوالى ساعتين
ثم تخفق البيضة فى طبق ويوضع الفيجتار فى طبق أخر
وتوضع الفراخ فى البيض ثم فى الفيجتار وتوضع فى الثلاجة
حوالى ربع ساعة ثم تقلى فى زيت ساخن وتقدم وبالهنا
ثانيا المكرونة الاسباجتى
مقاديرعمل المكرونة الأسباجتى
نصف كيلو مكرونة اسباجتى - عصير طماطم
زيت - ملح - فلفل أسمر - شطة - ماء - زيت
طريقة عمل المكرونة الأسباجتى
أولا يضاف عصير الطماطم فى حلة على النار مع معلقتين
زيت والملح والفلفل والشطة وتترك تتسبك أثناء ذلك تسلق
المكرونة فى ماء مضاف له ملح ومعلقة زيت ثم
توضع الطماطم المتسبكة على المكرونة وتترك على
النار 4 دقايق ثم تقدم وعملت جمبها
بطاطس تقطع ويوضع عليها معلقة ملح وتقلى فى الزيت
وعملت كمان سلطة طحينة فى طبق يضاف الطحينة
مع الملح والثوم المفرى والكمون وعصير الليمون
ومعلقة الخل وتقلب مع أضافة ماء للحصول
على القوام المناسب
وتقدم الفراخ مع المكرونة والبطاطس والطحينة
انتظرونى يوميا فى تقديم طبختى كل يوم
وابعتولى طبختى أية النهاردة
فى امان الله
طبخة اليوم فراخ بانية ومكرونة أسباجتى مع الشرح بالصور
إرسال تعليق