تقديم افضل واسهل طريقة عمل الحمام الكداب موجودة على النت مع الشرح بالصور والفيديو
اقدم لكل حبايبي فكرة رائعة وهي وجبة الحمام الكداب من وراك الفراخ
النهاردة معايا وصفة حلوة قوي انا جربتها بنفسى وطلعت جميلة وعجبت جوزي ياريت تجربوها مش هتندموا هي أكلة الحمام الكداب
تقديم طريقة تحضير وجبة الحمام الكداب
المقاديرالمطلوبة هي
أوراك دجاج - بصل مبشور - ارز
حبهان - ورق لوري - ملح وفلفل - بصلة واحدة
نبتدي بسم الله التحضير
هنوضع الزبدة في حلة علي النارمعاها البصل المبشوروعلية حبة ملح وفلفل
ولما البصل يدبل بس ننزل بالارز ونقلبة يتشوح مع البصل وننزل بالميا ونظبط الملح ولما ينشف نوطي النار لحد ما يستوي ثم نوضع حلة علي النار فيها كمية من الماء ومعاها ملح وفلفل اسمر وبصلة مقطعة وحبهان وورق لوري وننتظر حتي تغلي
واثناء ذلك نحضر وراك الفراخ ونخليها من العظم
ازاي نخلي الوراك من العظم بنجيب سكينة وتمشى على العظم بالراحة وتزيحي اللحم بالسكينة وخلي بالك من أيدك وهنسيب أخر حتة من العظم ثم توضع الوراك في ميا بخل وليمون
وبعد كدة نشيل الوراك ونرش عليها ملح وفلفل اسمر
ثم نحشيها بالارز ونقوم بقفل الوراك بالخلة او خيط الطعام ونلفها بورق فويل وتوضع في الماء المغلي وتترك حتي تمام السوا حوالي نصف ساعة ونخرجها من الورق الفويل
ثم نضع عليها ملعقة صلصة او ملعقة طماطم متسبكة فيها زيت وملح وفلفل وتدخل الفرن لكى تحمر
شرح طريقة تحضير وجبة الحمام الكداب بالفيديو
وبكدة نكون قد انتهينا من شرح افضل واسهل طريقة عمل الحمام الكداب
واتمنى ان اكون قد وفقت فى شرحي لكم عن تحضير وجبة الحمام الكداب
إرسال تعليق